સંતરામપુર તાલુકાના આંબા ગામે રાજ્યકક્ષાના મંત્રીની હાજરીમાં 66KV સબ સ્ટેશનના લોકાર્પણ કાર્યક્રમની આમંત્રણ પત્રિકામાં જિલ્લા, તાલુકા પંચાયતના પ્રમુખો અને ધારાસભ્યનો ઉલ્લેખ નહીં કરાતા તમામ મહાનુભાવો ગેરહાજર રહેતાં ચર્ચાનો વિષય બન્યો હતો.
સંતરામપુર તાલુકાના આંબા ગામે રૂ.12.66 કરોડ ના ખર્ચે તૈયાર થયેલ 66KV સબ સ્ટેશનનું આજે રાજ્યકક્ષાના મંત્રી કૌશિક વેકરીયાના હસ્તે લોકાર્પણ કરાયું હતું. આ 66KV સબ સ્ટેશનથી સંતરામપુર તેમજ ગોધર તાલુકાના મળી કુલ 16 ગામોના 5 હજારથી વધુ ગ્રાહકોને 24 કલાક વીજળીનો લાભ મળશે.