નડિયાદના વ્યસ્ત ગણાતા સોશિયલ ક્લબ રોડ પરથી એક સ્કોર્પિયો કાર પસાર થઈ રહી હતી. આ દરમિયાન નૂતન પાર્ક સોસાયટીની બહાર પહોંચતા જ ચાલતી કારમાં અચાનક શોર્ટ સર્કિટ અથવા અન્ય ટેકનિકલ ખામીને કારણે આગ લાગી ગઈ હતી. જોતજોતામાં આગે વિકરાળ સ્વરૂપ ધારણ કરી લીધું હતું અને કારમાંથી ધુમાડાના ગોટેગોટા નીકળવા લાગ્યા હતા, જેના કારણે આસપાસના લોકોમાં દોડધામ મચી ગઈ હતી.
ડ્રાઈવરની સમયસૂચકતા અને આબાદ બચાવ
કારમાં આગ લાગી હોવાની ખબર પડતાં જ ડ્રાઈવરે અત્યંત સમયસૂચકતા વાપરીને કારને રોડની બાજુમાં ઊભી રાખી દીધી હતી અને તાત્કાલિક બહાર કૂદી ગયો હતો. ડ્રાઈવરના ત્વરિત નિર્ણયને કારણે તેનો આબાદ બચાવ થયો હતો. સદનસીબે આ ગંભીર ઘટનામાં કોઈ જાનહાનિ થઈ નથી, જે એક મોટી રાહતના સમાચાર છે.