નર્મદા જિલ્લાના દેડિયાપાડા તાલુકાના પૂર્વ પટ્ટીના અંતરિયાળ ડુંગર વિસ્તારમાં આવેલા નામગિર ગામની પ્રાથમિક શાળાની દયનીય સ્થિતિ સામે આવી છે. વિકાસના દાવાઓ વચ્ચે આજે પણ આ શાળામાં વિદ્યાર્થીઓ મૂળભૂત સુવિધાઓના અભાવે અભ્યાસ કરવા મજબૂર બન્યા છે.
ધોરણ 1થી 5 સુધીના અંદાજે 35 વિદ્યાર્થીઓ માટે શાળામાં માત્ર એક જ વર્ગખંડ ઉપલબ્ધ છે અને તે પણ જર્જરિત હાલતમાં છે. સમગ્ર શાળામાં માત્ર એક જ શિક્ષક ફ્રજ બજાવતા હોવાથી તમામ ધોરણના વિદ્યાર્થીઓને એકસાથે ભણાવવાની સ્થિતિ ઊભી થઈ છે, જે શિક્ષણની ગુણવત્તા માટે ગંભીર ચિંતાનો વિષય બની છે.