નવસારી જિલ્લા ભાજપમાં છેલ્લા કેટલાક સમયથી ચાલી રહેલો આંતરિક અસંતોષ હવે સપાટી પર આવ્યો છે. જલાલપોર તાલુકા ભાજપ સંગઠનમાં ચાલી રહેલી રાજીનામાની શ્રેણીમાં હવે ચૂંટાયેલા પ્રતિનિધિઓ પણ જોડાયા છે. સંગઠનના સમર્થનમાં એકસાથે તાલુકા પંચાયતના 6 સભ્યોએ રાજીનામા ધરી દેતા સ્થાનિક રાજકારણમાં ખળભળાટ મચી ગયો છે.
નવસારી જિલ્લા ભાજપમાં રાજીનામા
જલાલપોર તાલુકા પંચાયતના પ્રમુખ નીલમ પટેલને સુપ્રત કરવામાં આવેલા રાજીનામામાં અનેક દિગ્ગજ નામો સામેલ છે. જેમાં હિરેન પટેલ કારોબારી અધ્યક્ષ, જલાલપોર તાલુકા પંચાયત.નિલેશ પટેલ માજી શાસક પક્ષ નેતા. આ ઉપરાંત અન્ય 4 ચૂંટાયેલા સભ્યોએ પણ પોતાના પદ પરથી રાજીનામા આપી દીધા છે.
