નવસારી જિલ્લાના ચીખલી તાલુકાના ટાંકલ પાસે આજે એક ભયાનક અકસ્માતની ઘટના સામે આવી છે. સણવલ્લા અને ટાંકલ વચ્ચે બની રહેલા નવા હાઈવે પર સરૈયા ફાંટા પાસે માર્ગ-મકાન વિભાગની ઘોર બેદરકારીને કારણે એક ટ્રક કાર ઉપર પલટી ગઈ હતી. સદનસીબે આ ભીષણ અકસ્માતમાં સુરતના કાર ચાલકનો ચમત્કારિક બચાવ થયો છે.
સ્પીડ બ્રેકર બચાવવા જતાં ટ્રકે કારને કચડી
ઘટનાની વિગત મુજબ, હાઈવે પર સ્પીડ બ્રેકર બનાવવાનું કામ અધૂરું છોડી દેવામાં આવ્યું છે. આ અધૂરા સ્પીડ બ્રેકર પરથી પસાર થતી વખતે ગતિમાં અવરોધ ન આવે તે માટે એક ટ્રક ચાલકે પોતાની ટ્રક વિરુદ્ધ દિશામાં (રોંગ સાઈડ) હંકારી હતી. આ દરમિયાન સામેથી પોતાના નિયમિત ટ્રેક પર આવી રહેલી સુરત પાસિંગની કારને ટ્રકે જોરદાર ટક્કર મારી હતી. ટક્કર એટલી પ્રચંડ હતી કે ટ્રક સીધી કારની ઉપર પલટી મારી ગઈ હતી.