નવસારીના ધારાગીરી ગામ નજીક નેશનલ હાઈવે નંબર 48 પર પૂર્ણા નદીના પુલ પરથી ખાબકેલી ટ્રકને આખરે બે દિવસ બાદ ક્રેનની મદદથી બહાર કાઢવામાં આવી છે. આ કામગીરી દરમિયાન હાઈવે પર ટ્રાફિકની ગંભીર સમસ્યા સર્જાતા પોલીસ અને વાહનચાલકોની કસોટી થઈ હતી.
નદીમાં ખાબકેલી ટ્રક ક્રેનની મદદથી કાઢી
ગત 17મી ડિસેમ્બરના રોજ સવારે 7 વાગ્યાની આસપાસ અમદાવાદથી મુંબઈ તરફ જઈ રહેલા એક કન્ટેનર ટ્રકના ચાલકે સ્ટિયરિંગ પરથી કાબૂ ગુમાવ્યો હતો. ટ્રક સર્વિસ રોડ પરથી સીધી પૂર્ણા નદીમાં ખાબકી હતી. સદનસીબે, નવસારી ફાયર વિભાગ અને સ્થાનિક લોકોની ત્વરિત મદદને કારણે ટ્રક ડ્રાઇવર અને ક્લીનરનો આબાદ બચાવ થયો હતો અને તેમને સામાન્ય ઈજાઓ સાથે હોસ્પિટલ ખસેડાયા હતા.
