Palitana: ખોટા દસ્તાવેજો બનાવનારા બે ફરાર આરોપીઓ ભાવનગરમાં ઝડપાયા

ગુડ્સ એન્ડ સર્વિસ ટેક્સ (GST) સંબંધિત ખોટા દસ્તાવેજો બનાવીને કૌભાંડ આચરવાના ગુનામાં સંડોવાયેલા બે ફરાર આરોપીઓને ભાવનગરના પેરોલ ફર્લો સ્ટાફે ઝડપી પાડ્યા છે. આ બંને આરોપીઓ ટાઉન પોલીસ મથકમાં આશરે બે વર્ષ પહેલાં નોંધાયેલા ગુનામાં નાસી છૂટ્યા હતા.

GSTના ખોટા દસ્તાવેજ બનાવનારા ઝડપાયા

ભાવનગર પેરોલ ફર્લો સ્ટાફ દ્વારા ગુપ્ત માહિતીના આધારે આ બંને આરોપીઓની ધરપકડ કરવામાં આવી હતી. આ શખ્સો GST કૌભાંડમાં ખોટા બિલો અને દસ્તાવેજો બનાવીને સરકારને કરોડોનું નુકસાન પહોંચાડવાના ગંભીર ગુનામાં સંડોવાયેલા હતા.

ભાવનગર પેરોલ ફર્લો સ્ટાફે બે આરોપીને ઝડપ્યા

બંને આરોપીઓને ઝડપી પાડ્યા બાદ વધુ તપાસ માટે પાલીતાણા ટાઉન પોલીસ મથકે લઈ જવામાં આવ્યા છે. પોલીસ દ્વારા GST કૌભાંડ સંબંધિત વધુ પૂછપરછ અને તપાસ હાથ ધરવામાં આવી છે, જેમાં તેઓએ અન્ય કોને મદદ કરી હતી અને કૌભાંડનું વ્યાપ કેટલું મોટું હતું તે જાણવાના પ્રયાસો કરવામાં આવી રહ્યા છે.પોલીસની આ સફળતાથી બે વર્ષથી ફરાર રહેલા આરોપીઓ કાયદાના સકંજામાં આવ્યા છે અને GST કૌભાંડના મૂળ સુધી પહોંચવામાં મદદ મળશે.

વધુ સમાચાર વાંચવા ડાઉનલોડ કરો સંદેશ ન્યૂઝ એપ