કાલોલ : કાલોલના શ્રી સિધ્ધનાથ એજ્યુકેશન ટ્રસ્ટ સંચાલિત શ્રી સરસ્વતી વિદ્યામંદિર ખાતે ગૌરીવ્રત નિમિતે ડેરોલ સ્ટેશન રોટરી ક્લબ દ્વારા ડ્રાયફ્રુટ અને એજ્યુકેશન કીટનું વિતરણ કુમારિકાઓને કરાયું હતું. આ પ્રસંગે ડેરોલ સ્ટેશન રોટરી ક્લબના પ્રમુખ ચિરાગ વ્યાસ, મંત્રી દક્ષેશ બ્રહ્મભટ્ટ અને અન્ય સભ્યો ઉપસ્થિત રહ્યા હતા. ગૌરી વ્રત નિમિતે મહેંદી હરીફાઈ અને કેશ ગૂંથણ જેવી વિવિધ સ્પર્ધાઓ પણ યોજાઈ હતી. આચાર્ય રિતેશભાઈ પંડયાએ આભાર વિધી કરી હતી.