બોડેલી તાલુકાના જબુગામથી કાંટવાને જોડતો 11 કિ.મીનો માર્ગ મેરીયા અને ભારજ બ્રિજ વચ્ચેના 50 જેટલા ગામો માટે વૈકલ્પિક માર્ગ તરીકે ઉપયોગમાં લેવાતો મુખ્ય માર્ગ ગણાય છે. આ માર્ગ ઉપર જ્યાં જુઓ ત્યાં હાલ ખાડા રાજ નજરે પડે છે.મેરીયા અને ભારજ બ્રિજ બંધ થયા બાદ આ માર્ગ ઉપર વાહન વ્યવહારનું ભારણ વધ્યું છે. આ માર્ગ પરથી જબુગામ તેમજ સુષ્કાલ તરફ્થી તથા ઠલકી લોઢણ તરફ્થી સેંકડોની સંખ્યામાં જેના પગલે મોટા હાઇવા તેમજ 200 ઉપરાંત ટ્રેક્ટર દ્વારા બેફામ રીતે રેતી ખનન થઈ રહ્યું છે.
આ માર્ગ ઉપરથી તેનું વહન કરાઇ રહ્યું છે. જેના પગલે સમગ્ર દિવસ દરમિયાન આ માર્ગ તેમજ લોઢણથી રનભુન ઘાટીને જોડતા માર્ગ ઉપર 200 ટ્રેક્ટર તેમજ હાઇવા ટ્રકોની 8થી 10વાર અવરજવર થાય છે. સ્થાનિક જનતા અનેકવાર ખાન ખનીજ તેમજ વહીવટી તંત્રને આ અંગે લેખિત તેમજ મૌખિક રજૂઆતો કરી હોવા છતાં આજદિન સુધી આ રેતી ખનન અટક્યું નથી. જેના પગલે પંથકની સ્થાનિક જનતામાં તંત્ર પ્રત્યે ભારે રોષની લાગણી ફેલાઇ છે. તંત્ર વહેલી તકે રિપેરિંગ કરે તેવી માગ ઉઠી છે.
