જિગ્નેશ મેવાણીના બેફામ વાણીવિલાસથી રોષ છે અને પાટણમાં પોલીસ પરિવાર અને સમર્થકોની રેલી યોજાઈ હતી, થરાદ પોલીસને મેવાણીએ આપી હતી ધમકી અને પોલીસને અપમાનિત કરતા શબ્દોનો કર્યો હતો ઉપયોગ, જેને લઈ પોલીસ પરિવાર અને સ્થાનિકોમાં પણ રોષ છે, જીગ્નેશ મેવાણીએ પોલીસ સ્ટેશનની બહાર આ ધમકી આપી હતી, તો ઉત્તર ગુજરાત અને કચ્છમાં પણ જીગ્નેશ મેવાણી સામે વિરોધ જોવા મળ્યો છે.
[[$googlead]]
પોલીસના પટ્ટા ઉતારવાની આપી હતી ધમકી
પાટણ જીલ્લા પોલીસ પરિવાર તેમજ સમર્થકો દ્વારા નિકાળવામાં આવી રેલી પાટણ પોલીસ હેડ કવાર્ટરથી કલેકટર કચેરી સુધી સૂત્રોચાર સાથે રેલી નિકાળવામાં આવી હતી, ધારાસભ્ય જીગ્નેશ મેવાણી દ્વારા પોલીસના પટ્ટા ઉતરાવી નાખવાની ધમકી આપતો વીડિયો સોશિયલ મીડિયામા વાયરલ થયા બાદ પોલીસ પરિવારની પ્રતિક્રિયા આવી હતી, ધારાસભ્ય જીગ્નેશ મેવાણી દ્વારા પોલીસ તંત્રને અપમાનિત કરાતા શબ્દોનો ઉપયોગ કરી લાગણી દુભાતા શબ્દોનો ઉપયોગ કરાતા પોલીસ વિભાગમાં રોષ છે, પોલીસ તંત્રને ઉશ્કેરણી જનક શબ્દો વાપરવાના મુદ્દે પાટણ કલેકટરને અપાશે આવેદનપત્ર.
કોંગ્રેસના MLA જિગ્નેશ મેવાણી સામે ભયંકર રોષ
પાલનપુરમાં મોટી સંખ્યામાં લોકો એકત્ર થયા છે અને જીગ્નેશ મેવાણીના હાય હાયના નારા લગાવી રહ્યા છે, પોલીસને પટ્ટા ઉતારવાની ધમકી આપતા રોષ જોવા મળ્યો છે અને પોલીસ પરિવાર અને સમર્થકોએ કર્યો સૂત્રોચ્ચાર, જિગ્નેશ મેવાણી જાહેરમાં માફી માગે તેવી માગ કરી છે.
પાલનપુર કલેકટર કચેરી ખાતે એકત્રિત થયો પોલીસ પરિવાર
થરાદમાં વડગામ ધારાસભ્યના વાણી વિલાસને લઈ પોલીસ પરિવારમાં રોષ છે, ગુજરાત પોલીસ જિંદાબાદ, જીગ્નેશ મેવાણી હાય હાય ના સૂત્રોચાર સાથે લોકો પહોંચ્યા કલેક્ટર કચેરી અને બે દિવસ અગાઉ થરાદમાં કોંગ્રેસની જન આક્રોશ યાત્રા દરમિયાન ધારાસભ્ય જીગ્નેશ મેવાણીના જોવા મળ્યા હતા આકરા તેવર, કલેકટર કચેરીના ગાર્ડનમાં એકત્રિત થયેલા મોટી સંખ્યામાં લોકો જિલ્લા કલેકટરને પાઠવશે આવેદનપત્ર.
વડગામ કોંગ્રેસ ધારાસભ્યના નિવેદનના પડઘા પડ્યા વેપારીઓમાં
બે દિવસ પહેલા જીગ્નેશ મેવાણી શિવનગરના લોકો સાથે પહોંચ્યા હતા થરાદ SP કચેરી ખાતે અને દારૂ અને ડ્રગ ખુલ્લેઆમ વેચાતું હોવાના આક્ષેપ સાથે જીગ્નેશ મેવાણીએ પોલીસના પટ્ટા ઉતારી લેવાની આપી હતી ચિમકી, થરાદના વેપારીઓ આવ્યા પોલીસના સમર્થનમાં અને જીગ્નેશ મેવાણીના વર્તનને વખોડી ધંધા રોજગાર બંધ રાખ્યા હતા.
થરાદ SP કચેરીમાં કોંગ્રેસ MLAના હોબાળાને વખોડ્યું
પોલીસ પર ગેરકાયદે દબાણ લાવવા પ્લાનિંગ હતુ તેવું SPનું કહેવું છે, જનપ્રતિનિધિએ રજૂઆત પહેલા હકીકત જાણવી જોઇએઃ SP,MLAએ ગેરબંધારણીય ભાષાનો ઉપયોગ ન કરવો જોઇએ, ભૂતકાળની જેમ તટસ્થ કામગીરી ચાલુ રાખવા SPનું આહ્વાન.
