ઉત્તર ગુજરાતના પાટણ શહેરમાં ડીજે સંચાલકોની એક મહત્વની મીટિંગ યોજાઈ હતી, જેનો વીડિયો હાલ સોશિયલ મીડિયામાં જોરશોરથી વાયરલ થઈ રહ્યો છે. આ મીટિંગમાં ડીજે માલિકોએ ભેગા મળીને તેમના વ્યવસાય પર આવતા જોખમો અને સોશિયલ મીડિયામાં મળતી ધમકીઓ સામે આક્રોશ વ્યક્ત કર્યો છે.
ડીજે સંચાલકો દ્વારા અપાઇ ચીમકી
વાયરલ વીડિયોમાં ડીજે એસોસિએશનના એક સભ્ય સ્પષ્ટ શબ્દોમાં કહી રહ્યા છે કે, "ડીજે સળગાવવાની જે વાતો થઈ રહી છે તે બિલકુલ યોગ્ય નથી. આ અમારો વ્યવસાય છે અને અમે આના દ્વારા અમારું ગુજરાન ચલાવીએ છીએ." વધુમાં, તેમણે વીડિયો બનાવનારાઓને પણ ચેતવણી આપી છે કે, "ડીજે સળગાવતા વીડિયો બનાવનારાઓ માપમાં રહેજો", અમારો ધંધો સળગાવવાની ધમકી આપવી નહીં.