પેટલાદ શહેરમાં આવેલા ઐતિહાસિક અને આસ્થાના કેન્દ્ર સમાન રણછોડજી મંદિરની બહારના ભાગમાં આવેલી દુકાનોની ઉપરની છતનો એક મોટો હિસ્સો એકાએક તૂટી પડ્યો હતો. છત ધડાકાભેર નીચે પડતાં આસપાસના લોકોમાં દોડધામ મચી ગઈ હતી. સદનસીબે જે સમયે આ ઘટના બની તે સમયે ત્યાં કોઈ હાજર ન હોવાથી મોટી જાનહાનિ ટળી છે અને કોઈને પણ ઈજા પહોંચી નથી.
અગાઉ પણ બની ચૂકી છે ઘટના, હાલત અત્યંત જર્જરિત
સ્થાનિક રહીશોના જણાવ્યા અનુસાર, આ કોઈ પહેલી ઘટના નથી; થોડા સમય અગાઉ પણ આ જ છતનો એક ભાગ આ જ રીતે ધરાશાઈ થયો હતો. હાલમાં આ તમામ દુકાનો પરની આખી છત અત્યંત જર્જરિત અને બિસ્માર હાલતમાં લટકી રહી છે. ચોમાસાની ઋતુ નજીક હોય કે સામાન્ય દિવસોમાં પણ આ જર્જરિત સ્લેબ ગમે ત્યારે ગ્રાહકો કે રાહદારીઓ પર તૂટી પડે તેવી ભીતિ સેવાઈ રહી છે.