પાટણ જિલ્લાના રાધનપુરમાં પ્રેમ-પ્રકરણ મામલે બે જૂથ વચ્ચે થયેલી ઉગ્ર અથડામણનો વીડિયો સોશિયલ મીડિયા પર વાયરલ થતાં ચકચાર મચી ગઈ છે. જોકે, આ ઘટના બે-ત્રણ દિવસ પહેલાં બની હોવાનું જાણવા મળ્યું છે.
રાધનપુરમાં બે જૂથ વચ્ચે અથડામણ
પ્રાપ્ત માહિતી અનુસાર, રાધનપુર તાલુકાના ભીલોટ ગામમાં રહેતા એક યુવક અને યુવતીએ પ્રેમ લગ્ન કરી લેતા બંને પરિવારો વચ્ચે અદાવત ઊભી થઈ હતી. આ અદાવતમાં જ ગામના બે જૂથો સામ-સામે આવી ગયા હતા. ઝઘડો એટલો ઉગ્ર બન્યો કે બંને જૂથના લોકોએ જાહેરમાં લાકડીઓ વડે મારામારી કરવાનું શરૂ કરી દીધું હતું. વિગતો મુજબ, યુવતીને પરત આપવા બાબતે બોલાચાલી થયા બાદ આ હિંસક અથડામણ થઈ હતી. સામ-સામે થયેલી આ મારામારીમાં બંને પક્ષના અનેક લોકોને નાની-મોટી ઈજાઓ પહોંચી હતી.
