વાઇબ્રન્ટ ગુજરાત સમિટ અને PM નરેન્દ્ર મોદીના રાજકોટ પ્રવાસને ધ્યાનમાં રાખીને રાજકોટ પોલીસ કમિશનર વિસ્તારમાં ડ્રોન ઉડાડવા પર સંપૂર્ણ પ્રતિબંધ લાદવામાં આવ્યો છે. સુરક્ષા એજન્સીઓના આદેશ અને સાવચેતીના ભાગરૂપે આ નિર્ણય લેવાયો છે.
PM મોદી રાજકોટની મુલાકાતે
પોલીસ કમિશનર દ્વારા બહાર પાડવામાં આવેલા જાહેરનામા મુજબ, તારીખ 9 જાન્યુઆરીથી 12 જાન્યુઆરી સુધી સમગ્ર રાજકોટ પોલીસ કમિશનર હેઠળના વિસ્તારને 'નો ડ્રોન ફ્લાય ઝોન' જાહેર કરવામાં આવ્યો છે. આ સમયગાળા દરમિયાન કોઈપણ ખાનગી વ્યક્તિ કે સંસ્થા ડ્રોન અથવા અન્ય કોઈપણ પ્રકારના ફ્લાઈંગ ઓબ્જેક્ટ ઉડાડી શકશે નહીં.