રાજકોટ જિલ્લામાં ગેરકાયદેસર માદક પદાર્થોની હેરાફેરી અને વાવેતર સામે ચાલી રહેલી ઝુંબેશ અંતર્ગત વિંછીયા પોલીસે મોટી કાર્યવાહી કરી છે. વિંછીયા તાલુકાના અમરાપુર ગામની સીમમાં એક ખેડૂતે કપાસના પાક વચ્ચે ગાંજાનું ગેરકાયદેસર વાવેતર કર્યું હોવાનો પર્દાફાશ થયો છે.
કપાસના પાક વચ્ચે ગાંજાનું ગેરકાયદેસર વાવેતર
જિલ્લાના ઉચ્ચ અધિકારીઓની સૂચના મુજબ, વિંછીયા પોલીસ મથકના પીઆઈ એ.સી.ની ટીમે અમરાપુર ગામની સીમમાં આવેલી એક વાડીમાં દરોડો પાડ્યો હતો. આ વાડીના માલિક શામજીભાઈ સવાભાઈ ઝાપડીયા (ઉં.વ. 61) એ પોતાની વાડીમાં કપાસના પાક વચ્ચે વનસ્પતિજન્ય માદક પદાર્થ લીલા ગાંજાના છોડનું વાવેતર કર્યું હોવાનું પોલીસને જણાયું હતું.
