રાજકોટ ઝોનની ફી નિયમન કચેરી (FRC) દ્વારા નવી દરખાસ્ત અને એડઇડેવિટ જમા કરાવવાની પ્રક્રિયા હાથ ધરવામાં આવી છે. રાજકોટ FRC ઝોનમાં સૌરાષ્ટ્રના 11 જિલ્લાઓની કુલ 5500 જેટલી નાની-મોટી ખાનગી શાળાઓ કાર્યરત છે. ત્યારે તેમાંથી 300 જેટલી શાળાઓના સંચાલકો આ વર્ષે ફી વધારો માંગે તેવી પૂરી શક્યતા છે.
તો એક તરફ અમદાવાદ ઝોનમા FRC કમિટીમાં માત્ર 105 શાળાઓએ ફીમાં વધારો માગ્યો છે. ખાનગી શાળાઓની ફી નિર્ધારિત કરવા માટે રાજકોટ FRC ઝોન દ્વારા ફાઇલો જમા કરાવવા માટે આદેશ કર્યો હતો. જેની અવધી પૂરી થયાના 10 દિવસ બાદ મોટા ભાગની શાળાઓએ આ વર્ષે કોઇ ફી વધારો નથી તેવી બાંહેધરી જમા કરાવી છે.
