રાજકોટ જિલ્લા SOG ટીમે પડધરી તાલુકાના ખોડપીપર ગામે રેડ પાડીને એક બોગસ ડૉક્ટરને ઝડપી પાડ્યો છે. પકડાયેલા આ બોગસ ડૉક્ટરનું નામ બૌમિકસિંહ સોલંકી છે. પોલીસને મળેલી બાતમીના આધારે SOG ટીમે આ કાર્યવાહી કરી હતી. તપાસમાં જાણવા મળ્યું હતું કે આરોપી બૌમિકસિંહ સોલંકી કોઈ પણ માન્ય ડિગ્રી કે યોગ્ય લાયકાત વિના જ દર્દીઓની સારવાર કરતો હતો.
બોગસ ડોક્ટર પાસેથી દવાઓ અને અન્ય સામાન જપ્ત
આરોપી બૌમિકસિંહ સોલંકી દર્દીઓને જોઇને એલોપેથીક દવાઓ આપતો હતો, એટલું જ નહીં પણ જરૂર પડ્યે ઇન્જેક્શન પણ આપતો હતો. લોકોના સ્વાસ્થ્ય સાથે ગંભીર ચેડાં કરતા આ બોગસ ડૉક્ટર પાસેથી પોલીસે મોટી માત્રામાં દવાઓ અને અન્ય તબીબી સાધનોનો જથ્થો જપ્ત કર્યો છે. જિલ્લા SOG દ્વારા બોગસ ડૉક્ટર વિરુદ્ધ કાયદેસરની કાર્યવાહી હાથ ધરવામાં આવી છે.
