રાજકોટ નજીક આવેલા મેટોડા GIDC વિસ્તારમાં તસ્કરોનો આતંક વધી રહ્યો છે. મેટોડા GIDC વિસ્તારની આસ્થા વિલેજ સોસાયટીમાં તસ્કરોએ એક રહેણાંક મકાનને નિશાન બનાવીને લાખો રૂપિયાની ચોરી કરી હોવાનો બનાવ સામે આવ્યો છે.
મેટોડા વિસ્તારમાં તસ્કરોનો આતંક
પ્રાપ્ત માહિતી અનુસાર, તસ્કરોએ મકાનમાંથી સોનાના દાગીના સહિત રોકડ રકમની ચોરી કરી હતી. ચોરીમાં અંદાજિત ત્રણ તોલા જેટલું સોનું (જેની કિંમત ત્રણ લાખથી વધુ આંકવામાં આવી રહી છે) અને રૂપિયા ૪૫,૦૦૦ની રોકડ રકમનો મુદ્દામાલ ચોરાયો છે. જોકે, તસ્કરોએ ચોરી કર્યાની આ સમગ્ર ઘટના CCTV કેમેરામાં કેદ થઈ ગઈ છે. CCTV ફૂટેજના આધારે પોલીસને તસ્કરોની ઓળખ અને પકડવામાં મદદ મળી શકે છે.
