સુરત જિલ્લાના કામરેજ તાલુકામાંથી એક અત્યંત કરુણ ઘટના સામે આવી છે. પરબ ગામે આવેલી એક ઇન્ડસ્ટ્રીઝમાં ડમ્પર ચાલકની બેદરકારીને કારણે માત્ર 3 વર્ષની માસૂમ બાળકીએ પોતાનો જીવ ગુમાવ્યો છે. રમત-રમતમાં કાળ બનીને આવેલા ડમ્પરે શ્રમિક પરિવારની ખુશીઓ છીનવી લીધી છે.
સુરતમાં ડમ્પર અડફેટે 3 વર્ષીય બાળકીનું મોત
મળતી માહિતી મુજબ, કામરેજ તાલુકાના પરબ ગામે આવેલી કિરણ ઇન્ડસ્ટ્રીઝ વિભાગ-1 માં એક શ્રમિક પરિવાર મજૂરી કામ માટે આવ્યો હતો. માતા-પિતા જ્યારે મજૂરી કામમાં વ્યસ્ત હતા, ત્યારે તેમની 3 વર્ષની માસૂમ બાળકી અન્ય બાળકો સાથે નજીકમાં જ રમી રહી હતી. આ દરમિયાન ત્યાં ઉભેલા એક ડમ્પરના ચાલકે પાછળ જોયા વગર કે કોઈ પણ પ્રકારની તકેદારી રાખ્યા વિના અચાનક ડમ્પર રિવર્સ લીધું હતું. રમતમાં મશગૂલ બાળકી આ ડમ્પરના ટાયર નીચે આવી ગઈ હતી.
