શહેરના ડિંડોલી વિસ્તારમાં થોડા સમય અગાઉ થયેલી આશિષ નામના યુવકની હત્યાની ઘટનાએ સમગ્ર પંથકમાં ચકચાર મચાવી હતી. આ કેસમાં સુરત પોલીસે ઝડપી તપાસ હાથ ધરીને હત્યામાં સામેલ ચાર આરોપીઓની ધરપકડ કરી લીધી છે. પ્રાથમિક તપાસમાં આ હત્યા માત્ર રૂપિયાની લેતીદેતીના વિવાદમાં કરવામાં આવી હોવાનું બહાર આવ્યું છે.
ડિંડોલીમાં યુવકની કરપીણ હત્યા
મૃતક આશિષ અને આરોપીઓ વચ્ચે છેલ્લા કેટલાક સમયથી નાણાકીય વ્યવહારને લઈને વિવાદ ચાલતો હતો. આ તકરાર એટલી હદે વધી ગઈ હતી કે આરોપીઓએ આશિષને રસ્તામાં આંતરી તેના પર હિંસક હુમલો કર્યો હતો. આરોપીઓએ નિર્મમતાની હદ વટાવતા આશિષ પર ચપ્પુના એકપછી એક અનેક ઘા ઝીંકી દીધા હતા. લોહીલુહાણ હાલતમાં આશિષનું ઘટનાસ્થળે જ મોત નીપજ્યું હતું.
