દક્ષિણ ગુજરાતની અગ્રણી સહકારી સંસ્થાઓ પૈકીની એક એવી સાયણ સુગર મિલની ૫૨મી વાર્ષિક સામાન્ય સભા (AGM) ભારે વિવાદ સાથે ગરમાઈ ગઈ હતી. સભામાં સવાલ પૂછવાના મામલે સભાસદોના બે જુદા-જુદા જૂથો સામસામે આવી જતાં ઉગ્ર બોલાચાલી અને ઘર્ષણનો માહોલ સર્જાયો હતો.


સાયણ સુગર મિલની 52મી વાર્ષિક સભા 

પ્રાપ્ત માહિતી અનુસાર, સભાની કાર્યવાહી ચાલુ હતી તે દરમિયાન મિલના વહીવટી નિર્ણયો અથવા હિસાબો અંગે પ્રશ્ન પૂછવા બાબતે વિવાદ થયો હતો, જેણે જોતજોતામાં ઉગ્ર સ્વરૂપ ધારણ કરી લીધું હતું.

ડાયરેક્ટરોએ મામલો થાળે પાડ્યો

સભાસદોના બંને જૂથો વચ્ચે ઉગ્ર શાબ્દિક બોલાચાલી થતાં સભામાં તણાવ વધી ગયો હતો. મામલો એટલો ઉગ્ર બન્યો કે એક તબક્કે મિલના ડાયરેક્ટર (નિયામક મંડળના સભ્યો) ને પણ સ્ટેજ પરથી તાત્કાલિક નીચે ઉતરવાની ફરજ પડી હતી.

 બંને જૂથ વચ્ચે ઉગ્ર શાબ્દિક બોલાચાલી

ડાયરેક્ટરો અને અન્ય આગેવાનોએ મધ્યસ્થી કરીને બંને જૂથોને અલગ-અલગ કર્યા હતા. ભારે સમજાવટ અને પ્રયાસો બાદ જેમતેમ કરીને મામલો થાળે પડ્યો હતો અને સભાની કાર્યવાહી આગળ વધી શકી હતી. સભામાં થયેલા આ હંગામાને કારણે સહકારી ક્ષેત્રના વહીવટમાં સભાસદોનો આક્રોશ સ્પષ્ટપણે જોવા મળ્યો હતો.

  • Follow us on: