અમદાવાદ-મુંબઈ નેશનલ હાઈવે નંબર 48 પર સુરત નજીક કામરેજ ખાતે એક ટેન્કરની કેબિનમાં અચાનક આગ ફાટી નીકળવાની ઘટના સામે આવી છે, જેના કારણે હાઈવે પર થોડા સમય માટે ટ્રાફિક જામ થયો હતો.
કામરેજ નજીક ટેન્કરની કેબિનમાં આગ
પ્રાપ્ત માહિતી અનુસાર, કામરેજ નજીક રિલીફ હોટલ પાસે નેશનલ હાઈવે પર પસાર થઈ રહેલા એક ટેન્કરની કેબિનમાં અચાનક આગ લાગી ગઈ હતી. જોતજોતામાં આગે વિકરાળ સ્વરૂપ ધારણ કરી લેતા ટેન્કરની કેબિનનો ભાગ બળીને ખાક થઈ ગયો હતો. જોકે, ટેન્કર કયા પદાર્થનું પરિવહન કરી રહ્યું હતું અને આગ લાગવાનું ચોક્કસ કારણ શું હતું, તે હજી સુધી જાણી શકાયું નથી.
