સુરતમાં રાત્રિના સમયે રાહદારીઓને ટાર્ગેટ કરીને મોબાઇલ સ્નેચિંગ કરતી ગેંગ સામે ઉત્રાણ પોલીસે સફળતા મેળવી છે. પોલીસે સતત 15 દિવસ સુધી CCTV કેમેરાના ફૂટેજ ચેક કરવાની સઘન મહેનત બાદ બે રીઢા મોબાઇલ સ્નેચરોની ધરપકડ કરીને તેમની પાસેથી ચોરી કરેલા 6 મોબાઇલ ફોન કબ્જે કર્યા છે.
રાત્રે ચાલતા લોકોને બનાવતા હતા નિશાન
પોલીસે ધરપકડ કરેલા આરોપીઓમાં શિવમ ઉર્ફે છોટુ સુરેંદ્રભાઇ બધેલ અને વિકાસ શેષનાથ સિંગનો સમાવેશ થાય છે. આ બંને આરોપીઓની કાર્ય કરવાની પદ્ધતિ (મોડસ ઓપરેન્ડી) એવી હતી કે તેઓ રાત્રિના સમયે રોડ પર ચાલવા નીકળતા કે એકલા ઊભા રહેલા લોકોને ટાર્ગેટ કરતા.ચાલુ બાઈક પર પાછળથી આવીને રાહદારીના હાથમાંથી મોબાઈલ ઝૂંટવી લેતા. સ્નેચિંગ કર્યા બાદ તેઓ તરત જ ફૂલ સ્પીડમાં બાઈક ભગાવીને ભાગી જતા હતા.
