શહેરમાં રાત્રિના સમયે વધતા જતા માર્ગ અકસ્માતોને રોકવા માટે સુરત ટ્રાફિક પોલીસ અને RTO વિભાગ દ્વારા એક મહત્વપૂર્ણ ઝુંબેશ હાથ ધરવામાં આવી છે. વાહનોમાં ગેરકાયદેસર રીતે લગાડવામાં આવતી તીવ્ર સફેદ LED લાઈટો સામે પોલીસે કડક કાર્યવાહી શરૂ કરી છે.
સુરત ટ્રાફિક પોલીસની કાર્યવાહી
સામાન્ય રીતે કંપની ફિટેડ લાઈટો સિવાય બહારથી લગાડાતી સફેદ LED લાઈટો ખૂબ જ તીવ્ર હોય છે. તેના કારણે સામેથી આવતા વાહન ચાલકોની આંખો અંજાઈ જાય છે. રસ્તા પરનું વિઝન ઓછું થવાથી ચાલક કાબૂ ગુમાવે છે. વળાંક કે ચાર રસ્તા પાસે આ લાઈટો જીવલેણ અકસ્માતનું કારણ બને છે.