સુરત શહેરને નશામુક્ત બનાવવાના અભિયાન હેઠળ પુણા પોલીસ મથકની ટીમે એક મોટી સફળતા મેળવી છે. બાતમીના આધારે પોલીસે ફિલ્મી ઢબે વોચ ગોઠવીને મહાત્મા ગાંધી ફ્રૂટ માર્કેટ પાસેથી 4 શખ્સોને લાખોની કિંમતના ગાંજાના જથ્થા સાથે ઝડપી પાડ્યા છે.
સુરતમાં ગાંજા સાથે 4 લોકો ઝડપાયા
પુણા પોલીસને બાતમી મળી હતી કે ફ્રૂટ માર્કેટ પાસે કેટલાક શખ્સો નશીલા પદાર્થનું વેચાણ કરવાના ઈરાદે ઉભા છે. આ બાતમીના આધારે પોલીસે ટીમ બનાવી દરોડો પાડ્યો હતો. તપાસ દરમિયાન 4 વ્યક્તિઓ શંકાસ્પદ હાલતમાં મળી આવ્યા હતા. તેમની તલાશી લેતા તેમની પાસેથી 5.952 કિલોગ્રામ ગાંજાનો જથ્થો મળી આવ્યો હતો, જેની બજાર કિંમત આશરે ₹2,97,600 થાય છે.