સુરત શહેરમાં ભૂમાફિયાઓ અને છેતરપિંડી કરનારા તત્વો સામે સુરત પોલીસની ઇકો સેલ પાંખે લાલ આંખ કરી છે. શહેરના ડુમસ વિસ્તારમાં આવેલી કરોડોની કિંમતની જમીન બોગસ દસ્તાવેજોના આધારે પચાવી પાડવાના ગુનામાં પોલીસે આરોપી મોહશીન કાદરમીયા પઠાણની ધરપકડ કરી છે.
5 જેટલા કિંમતી પ્લોટ પચાવી પાડ્યા
આરોપી મોહશીન પઠાણની છેતરપિંડી કરવાની રીત જાણીને પોલીસ પણ ચોંકી ઉઠી હતી. આરોપીએ મૂળ માલિકના આધારકાર્ડ પર રહેલા ફોટાનો ઉપયોગ કરી તેમાંથી પાસપોર્ટ સાઈઝના ફોટા બનાવ્યા હતા. આ ફોટાનો ઉપયોગ કરીને તેણે પ્લોટની બોગસ સોદાચીઠ્ઠીઓ તૈયાર કરી હતી. આ નકલી દસ્તાવેજોના આધારે તેણે ડુમસના સુલતાનાબાદ વિસ્તારના 5 જેટલા કિંમતી પ્લોટ પચાવી પાડ્યા હતા.
