છેલ્લાં એક વર્ષથી દુબઈમાં છુપાઈને રહેતા અને નેપાળ બોર્ડર પાર કરી ચોરીછૂપીથી સુરત આવેલા ઠગબાજ નીતિન ઉર્ફે કાનાને સાયબર સેલે પકડી પાડયો હતો. આરોપી રૂ. 42.28 લાખના ઈન્વેસ્ટમેન્ટ ફ્રોડ તેમજ રૂ. 4.80 કરોડના હીરાની છેતરપિંડીના ગુનામાં વોન્ટેડ હતો.
મળતી વિગતો પ્રમાણે એક વર્ષથી વોન્ટેડ આરોપી નીતિન ઉર્ફે કાનાને પકડવા વર્કઆઉટ શરૂ કરાયું હતુ. દરમિયાન સાયબર સેલને બાતમી મળી હતી કે, નીતિન ઉર્ફે કાનો દુબઈથી ફ્લાઈટ મારફતે નેપાળ પહોંચ્યો હતો અને ત્યાંથી બસ દ્વારા દિલ્હી, અમદાવાદ થઈને સુરત આવ્યો હોવાની માહિતી મળતા પોલીસે વોચ ગોઠવી નીતિન ઉર્ફે કાનો પ્રભુભાઇ વડચકેને પકડી પાડયો હતો.