સુરત ડાયમંડ સિટી' કે 'ભૂવા સિટી'? એજ ખબર નથી પડતી, ઉનાળાની શરૂઆતમાં ભૂવો પડયો છે જેના કારણે પાલિકાના આંગણે જ તંત્રની પોલ ખુલી ગઈ છે, સુરત મનપાની મુખ્ય કચેરી અને CFO ઓફિસની બહાર આ ભૂવો પડયો છે, ચોમાસું હજુ દૂર છે, છતાં ભર ઉનાળે રસ્તો બેસી જતાં સ્થાનિકોમાં પણ રોષ જોવા મળી રહ્યો છે.
મનપાની કામગીરી અને ગુણવત્તા સામે ગંભીર સવાલો
સુરત મહાનગર પાલિકાની મુખ્ય કચેરીની નજીક ફાયર ઓફિસની બિલ્કુલ સામે શુક્રવારે સાંજે રોડ પર ભૂવો પડી જતા ત્યાંથી અવર-જવર કરતા લોકોમાં ગભરાટ ફેલાયો । હતો. જોકે પાલિકા દ્વારા તરતજ ત્યાં માટી પુરાણની કામગીરી કરી બેરિકેટ મુકી દેવાયો હતો. નીચેથી પસાર થતી પાઇપલાઇનના લીધે માટી ધસી પડી હોવાની આશંકા સેવાઈ રહી છે. ચોમાસાની સીઝનમાં નીચેથી માટી ધસી જતા અનેક વિસ્તારોમાં રોડ પર ભૂવો પડવાની ઘટના અવારનવાર બનતી હોય છે.
