Surat : મહિલા પેસેન્જરની દાદાગીરી, BRTS બસના ડ્રાઇવર પર હુમલો, ડ્રાઇવરે બસ ઉભી રાખવાની ના પાડતા મામલો બિચક્યો

સુરત શહેરમાં જાહેર પરિવહન વ્યવસ્થામાં શરમજનક બનાવ સામે આવ્યો છે. BRTS બસમાં મુસાફરી કરી રહેલી એક મહિલા પેસેન્જરે સામાન્ય બાબતમાં ઉશ્કેરાઈ બસના ડ્રાઇવર પર હુમલો કર્યો હોવાની ઘટના પ્રકાશમાં આવી છે.

મહિલાએ બસને અધવચ્ચે ઊભી રાખવા માટે ડ્રાઇવરને જણાવ્યું હતું

પ્રાપ્ત માહિતી અનુસાર મહિલાએ બસને અધવચ્ચે ઊભી રાખવા માટે ડ્રાઇવરને જણાવ્યું હતું. જોકે ટ્રાફિક નિયમો અને મુસાફરોની સલામતીને ધ્યાનમાં રાખીને ડ્રાઇવરે બસ ઊભી રાખવાની ના પાડતા મહિલા ગુસ્સે થઈ ગઈ હતી.

મહિલાએ ડ્રાઇવર સાથે ઉગ્ર બોલાચાલી કરી

 આ પછી મહિલાએ ડ્રાઇવર સાથે ઉગ્ર બોલાચાલી કરી હતી અને તેનો કોલર પકડીને તેની સાથે મારામારી કરી હોવાના સીસી ટીવી દ્રષ્યો પણ બહાર આવ્યા છે

બસના ડ્રાઇવરને ગંભીર ઇજાઓ પહોંચી

મહિલાના હુમલામાં બસના ડ્રાઇવરને ગંભીર ઇજાઓ પહોંચી હોવાનું જાણવા મળ્યું છે. સમગ્ર ઘટના બસમાં લગાવાયેલા CCTV કેમેરામાં કેદ થઈ ગઈ છે, જેના આધારે પોલીસ દ્વારા તપાસ શરૂ કરવામાં આવી છે.

 BRTS સ્ટાફમાં રોષ

ઘટનાની જાણ થતાં પોલીસ સ્થળ પર પહોંચી હતી અને મહિલાની ઓળખ મેળવી તેના વિરુદ્ધ કાયદેસરની કાર્યવાહી માટે વધુ તપાસ હાથ ધરવામાં આવી છે. આ ઘટનાને પગલે BRTS સ્ટાફમાં રોષ ફેલાયો છે અને કર્મચારીઓની સુરક્ષા અંગે પ્રશ્નો ઊભા થયા છે.

આવ પણ વાંચો-----   Weather News : ગુજરાતમાં અચાનક ઠંડીનું જોર ઘટયું, પવનની દિશા બદલાતા ઠંડીનો ચમકારો ઘટયો