સુરત પોલીસે નકલી ભારતીય ચલણી નોટો છાપીને બજારમાં ફરતી કરનારા એક મુખ્ય આરોપીને આખરે ઝડપી પાડ્યો છે. આ આરોપી છેલ્લા નવ મહિનાથી પોલીસ ચોપડે વોન્ટેડ હતો. પ્રાપ્ત માહિતી અનુસાર, ઉતરાણ પોલીસે ઓપરેશન કારાવાસ હેઠળ કાર્યવાહી કરીને નકલી ચલણી નોટના છાપકામ સાથે સંકળાયેલા આરોપી આશિષ વઘાસીયા ને ઓલપાડ વિસ્તારમાંથી ઝડપી લીધો છે.
સુરતમાં નકલી ચલણી નોટ છાપનાર ઝડપાયો
આશિષ વઘાસીયા છેલ્લા નવ મહિનાથી પોલીસની પકડમાંથી છટકી રહ્યો હતો, જેના કારણે પોલીસે તેની શોધખોળ માટે ખાસ પ્રયાસો હાથ ધર્યા હતા. આખરે ગુપ્ત માહિતી અને ટેક્નિકલ સર્વેલન્સના આધારે ઉતરાણ પોલીસને તેને ઓલપાડથી દબોચી લેવામાં સફળતા મળી છે.આરોપી નકલી ચલણી નોટો છાપવાનું અને બજારમાં વહેતી કરવાનું મોટું નેટવર્ક ચલાવતો હોવાની આશંકા છે. આ ઘટનામાં અગાઉ પણ કેટલાક લોકોની ધરપકડ કરવામાં આવી હતી, પરંતુ મુખ્ય આરોપી આશિષ વઘાસીયા ફરાર હતો.
