સુરત શહેરના લિંબાયત વિસ્તારમાં આવેલી શાકભાજી માર્કેટમાં નકલી નોટ વટાવવાના પ્રયાસમાં એક યુવકને રંગે હાથ ઝડપી લેવામાં આવ્યો છે. જાગૃત શાકભાજી વિક્રેતાઓએ આ યુવકને ડુપ્લિકેટ નોટો સાથે પકડી પાડી તેને પોલીસને સોંપી દીધો છે.
સુરતમાં નકલી નોટ વટાવતો યુવક ઝડપાયો
પ્રાથમિક માહિતી મુજબ, લિંબાયતની મદનપુરા શાક માર્કેટમાં આ ઘટના બની હતી. ઝડપાયેલો આરોપી બજારમાં શાકભાજી ખરીદીને નકલી નોટો વટાવવાનો પ્રયાસ કરી રહ્યો હતો. શાકભાજી વિક્રેતાઓને નોટોની ગુણવત્તા પર શંકા જતાં તેમણે યુવકને રોક્યો હતો અને તેની પાસેની અન્ય નોટોની તપાસ કરી હતી, જેમાં મોટાભાગની નોટો ડુપ્લિકેટ હોવાનું બહાર આવ્યું હતું. આરોપી નકલી નોટો સાથે ઝડપાતાં સ્થાનિક લોકો અને વિક્રેતાઓ રોષે ભરાયા હતા અને તેમણે યુવકને મેથીપાક આપ્યો હતો. બાદમાં આ મામલાની જાણ લિંબાયત પોલીસને કરવામાં આવી હતી.
