સુરેન્દ્રનગર જિલ્લાના મૂળી પંથકમાં ગેરકાયદેસર ખનીજની પ્રવૃતીને ડામવા જિલ્લા પોલીસ અવારનવાર દરોડા કરી રહી છે. ત્યારે સુરેન્દ્રનગર લોકલ ક્રાઈમ બ્રાન્ચના પીઆઈ બી.એચ.શીંખરખીયાની સુચનાથી પેટ્રોલિંગ કરી રહેલા સ્ટાફને મૂળી તાલુકાના ઉમરડા ગામે ગેરકાયદેસર વોશીંગ પ્લાન્ટ ધમધમતો હોવાની બાતમી મળતા રેડ કરાઈ હતી. જેમાં ડમ્પર, હીટાચી મશીન સહિત રૂપિયા 1 કરોડનો મુદ્દામાલ જપ્ત કરાયો છે. આ અંગે ખાણ ખનીજ વિભાગે વધુ કાર્યવાહી હાથ ધરી છે.