લીંબડી : લીંબડી શહેર અને આસપાસના ગ્રામ્ય વિસ્તારોના લોકોને તાત્કાલિક આરોગ્ય સેવા ઘર નજીક મળી રહે તે હેતુથી શહેરમાં આજથી નવી આરોગ્ય સેવાનો પ્રારંભ કરવામાં આવ્યો છે. શ્રીમદ્ રાજચંદ્ર સર્વમંગલ હોસ્પિટલ સંચાલિત શાહ હેપ્પીનેસ અર્જન્ટ કેર સેન્ટરનો ગેન્કો આઈ હોસ્પિટલ ખાતે રવિવારથી પ્રારંભ કરવામાં આવ્યો છે. અર્જન્ટ કેર સેન્ટર શરૂ થતાં હવે લીંબડી સહિત આસપાસના વિસ્તારોના લોકોને આકસ્મિક બીમારી કે દુર્ઘટના જેવી પરિસ્થિતિમાં તાત્કાલિક સારવાર માટે દૂર જવાની જરૂરિયાતમાં ઘટાડો થશે.