સુરેન્દ્રનગર : સુરેન્દ્રનગર જિલ્લાના લખતર, પાણશીણા અને ચોટીલા પોલીસ મથકે 3 વર્ષ પહેલા કોપર વાયરની ચોરી અને લૂંટનો બનાવ નોંધાયો હતો. આ કેસમાં ફરાર આરોપી સંજય ગુર્જરને પોલીસે ઈનામી આરોપી જાહેર કર્યો હતો. ત્યારે આ શખ્સ રાજસ્થાનમાં તેના ઘરે હોવાની બાતમી મળતા પેરોલ ફર્લો સ્કવોડના વિજયસિંહ પરમાર, શકિતસિંહ સહિતનાઓએ રાજસ્થાનમાં ધામા નાંખી ફરાર સંજય ઉર્ફે ધર્મેશ બાબુલાલ ગુર્જરને રાજસ્થાનના રાજસમંદ જિલ્લાના આકીયા ગામે તેના ઘરેથી ઝડપી લીધો છે.