ઉમરેઠ તાલુકાના અહીમા-લાલપુરા રોડ પર વધુ એક લોહિયાળ અકસ્માતની ઘટના સામે આવી છે. પુરપાટ ઝડપે આવતી રાજકોટ પાસિંગની કારે બાઈક સવાર યુવકને જોરદાર ટક્કર મારતા ગંભીર ઈજાઓ થવાના કારણે યુવકનું મૃત્યુ નીપજ્યું છે.
કારે બાઈક ચાલકને લીધો અડફેટે
મળતી માહિતી મુજબ, શિલી ગામના વતની અર્જુનભાઈ પરમાર (ઉંમર ૨૫ વર્ષ) પોતાની મોટરસાયકલ પર જઈ રહ્યા હતા. આ દરમિયાન અહીમા રોડ પર આવેલા મહાકાળી માતાના મંદિર પાસે સામેથી આવતી સફેદ રંગની હ્યુન્ડાઈ ઓરા કાર (રાજકોટ પાસિંગ) ના ચાલકે અર્જુનભાઈની બાઈકને જોરદાર ટક્કર મારી હતી. અકસ્માત એટલો ભયાનક હતો કે અર્જુનભાઈ રોડ પર પટકાતા તેમને શરીરે ગંભીર ઈજાઓ પહોંચી હતી.
