વડોદરા જિલ્લાના પાદરા તાલુકામાં વહેલી સવારે એક ગમખ્વાર અકસ્માતની ઘટના સામે આવી છે. મહાકાળી મંદિર પાસે આવેલા પેટ્રોલ પંપ નજીક પથ્થર ભરેલી એક ટ્રક અચાનક પલટી મારી જતાં વિસ્તારમાં અફરાતફરી મચી ગઈ હતી. આ અકસ્માતમાં ટ્રક ચાલકને ગંભીર ઈજાઓ પહોંચતા તેમને તાત્કાલિક સારવાર માટે હોસ્પિટલ ખસેડવામાં આવ્યા છે.
પથ્થર ભરેલી ટ્રક અચાનક પલટી
પ્રાપ્ત વિગતો અનુસાર, વહેલી સવારે ટ્રક ચાલક પથ્થર ભરીને જઈ રહ્યો હતો ત્યારે પાદરાના મહાકાળી મંદિર નજીક આવેલા પેટ્રોલ પંપ પાસે કોઈ કારણોસર ટ્રક પરથી ચાલકે કાબૂ ગુમાવતા ટ્રક પલટી ગઈ હતી. પથ્થરથી ભરેલી ટ્રક પલટી મારતા તે રસ્તાની વચ્ચે આવી ગઈ હતી, જેના કારણે ટ્રાફિક જામની સમસ્યા સર્જાઈ હતી.