ડભોઈ ખાતે શ્રી શ્યામ ખાટું શ્યામ મંદિરે શ્રી ખાટું શ્યામજી ભગવાનને સોનાના ઢોળ ચડાવેલા (ગોલ્ડ પ્લેટેડ) વિશેષ આભૂષણો વાજતે-ગાજતે અર્પણ કરાયા હતા.
મુંબઈના જાણીતા દાતા મહેશ શાહ તથા દિલ્હીના ઉદ્યોગપતિ સંજય મિત્તલના વિશેષ આર્થિક સહયોગ અને સેવાભાવથી સંપન્ન થયું હતું. ગરબા અને ભજન-કીર્તન સાથે ભવ્ય ઉજવણી મંદિરમાં આભૂષણ અર્પણવિધિમાં સમગ્ર પરિસર હારે કા સહારા, બાબા શ્યામ હમારાના જયઘોષથી ગૂંજી ઊઠયું હતું. ભાવિક ભક્તો ઢોલ- નગારાના તાલે નાચતા-ગાતા અને ગરબા રમતા બાબાના શ્રુંગારના દર્શન કરી ધન્યતા અનુભવી રહ્યાં હતા.