વડોદરાના નંદેસરી વિસ્તારમાં એક અત્યંત વિચિત્ર અને કંપારી છૂટી જાય તેવો અકસ્માત સર્જાયો હતો. આણંદ જિલ્લાના અડાજ ગામનો એક યુવક બ્રિજ પરથી પસાર થઈ રહ્યો હતો ત્યારે અજાણ્યા વાહને તેને એવી જોરદાર ટક્કર મારી કે યુવક હવામાં ઉછળીને સીધો બ્રિજના થાંભલામાં ફસાઈ ગયો હતો. આ દ્રશ્ય જોઈને ત્યાંથી પસાર થતા વાહનચાલકો અને સ્થાનિકોમાં અફરાતફરી મચી ગઈ હતી.
ટક્કર વાગતા યુવક હવામાં ઉછળ્યો
પ્રાપ્ત વિગતો અનુસાર, આણંદના અડાજ ગામનો રહેવાસી યુવક ગઈકાલે કોઈ કામ અર્થે વડોદરા તરફ આવી રહ્યો હતો. દરમિયાન નંદેસરી ચોકડી નજીક બ્રિજ પર પૂરપાટ ઝડપે આવતા એક અજાણ્યા વાહને યુવકને અડફેટે લીધો હતો. આ ટક્કર એટલી ભયાનક હતી કે યુવક બ્રિજની રેલિંગ પરથી ફંગોળાઈને નીચે પડવાને બદલે બ્રિજના થાંભલા અને માળખાની વચ્ચે ફસાઈને હવામાં લટકી ગયો હતો.
