શહેરના ભાયલી વિસ્તારમાં રહેતા એક પરિવારની 3 વર્ષની માસૂમ બાળકી સાથે બનેલી અત્યંત નિંદનીય ઘટનામાં વડોદરાની વિશેષ કોર્ટે એક મહત્વપૂર્ણ અને કડક ચુકાદો સંભળાવ્યો છે. સ્કૂલ વાન ચાલક તરીકે ફરજ બજાવતા આરોપી સાદિકે માસૂમ બાળકી સાથે અડપલાં કર્યા હતા, જે બદલ કોર્ટે તેને 20 વર્ષની સખત કેદની સજા ફટકારી છે.

વાન ચાલક દ્વારા અયોગ્ય કૃત્ય

ભાયલીમાં રહેતા જાગૃત પરિવારે જ્યારે જોયું કે તેમની 3 વર્ષની દીકરી સાથે વાન ચાલક દ્વારા અયોગ્ય કૃત્ય કરવામાં આવ્યું છે, ત્યારે તેમણે હિંમત દાખવી તુરંત પોલીસ ફરિયાદ નોંધાવી હતી. આ કેસમાં પોલીસે સચોટ પુરાવાઓ એકત્ર કરી કોર્ટમાં રજૂ કર્યા હતા.

કોર્ટનું અવલોકન

કેસની સુનાવણી દરમિયાન કોર્ટે નોંધ્યું હતું કે, જે વ્યક્તિ પર બાળકોને સુરક્ષિત રીતે શાળાએ લઈ જવાની જવાબદારી છે, તેણે જ આવું કૃત્ય કરીને સમાજ અને વાલીઓના વિશ્વાસનો ભંગ કર્યો છે. સમાજમાં આવા તત્વોને કડક પાઠ ભણાવવા માટે કોર્ટે સાદિકને કોઈ પણ પ્રકારની રહેમ રાખ્યા વગર 20 વર્ષની જેલની સજા સંભળાવી છે.

આ પણ વાંચો: રાજયમાં રામનવમીની શોભાયાત્રા નીકળશે, સંવેદનશીલ વિસ્તારોમાં પોલીસનું રહેશે સતત પેટ્રોલિંગ