અષાઢી બીજના પાવન અવસરે પાદરા નગરમાં ભગવાન જગન્નાથજી, ભાતા બલરામજી અને બહેન સુભદ્રાજીની ભવ્ય રથયાત્રાનું આયોજન કરાયું છે. શ્રીરામટેકરી મંદિર સત્ય સનાતન સમસ્ત હિન્દુ પરિવાર, મહંત દશરથદાસ મહારાજ તથા નગરજનોના સંયુક્ત ઉપક્રમે દર વર્ષની પરંપરા મુજબ આ વર્ષે પણ ભવ્ય રથયાત્રા યોજાનાર છે.

તા. 16 જુલાઈના રોજ બપોરે 2 વાગ્યે શ્રી રામટેકરી રામજી મંદિર ખાતેથી ભગવાન જગન્નાથજીની રથયાત્રા નગરચર્યાએ પ્રસ્થાન કરશે. રથયાત્રાને લઈને આયોજકો દ્વારા તડામાર તૈયારીઓ પૂર્ણ કરાઇ છે. સમગ્ર નગરમાં ભક્તિમય માહોલ વચ્ચે ભગવાનના દર્શનનો લાભ લેવા મોટી સંખ્યામાં ભાવિકો ઉમટી પડશે. તેવી શક્યતા વ્યક્ત કરાઇ છે.

Vadodara: અષાઢી બીજે પાદરામાં ભગવાન જગન્નાથજીની ભવ્ય રથયાત્રા યોજાશે