વિશ્વવ્યાપી બીએપીએસ સંસ્થા દ્વારા પ.પૂ. મહંત સ્વામી મહારાજ રચિત ગ્રંથ સત્સંગ દીક્ષાના 315 સંસ્કૃત શ્લોકોનો એકસાથે મુખપાઠ કરીને અનોખો વિશ્વવિક્રમ સર્જાયો હતો. આ અભૂતપૂર્વ સિદ્ધિની નોંધ ગિનિસ બુક ઓફ્ વર્લ્ડ રેકોર્ડમાં લેવાઈ છે.
આ વિશ્વવિક્રમમાં વિશ્વભરના 15,000થી વધુ બાળ-બાલિકા સહિત વડોદરા જિલ્લાના ગ્રામ્ય વિસ્તારના 759થી વધુ બાળ-બાલિકાએ પણ સફ્ળતાપૂર્વક મુખપાઠ કરી જિલ્લાનું ગૌરવ વધાર્યું હતું. આ પ્રસંગે BAPSના સ્થાપક પ.પૂ. પ્રમુખસ્વામી મહારાજના પ્રાગટય સ્થાન ચાણસદ ખાતે વિશેષ સન્માન સમારોહ યોજાયો હતો. જેમાં વિશ્વવિક્રમમાં સહભાગી બનેલા તમામ બાળ-બાલિકાઓને ગિનિસ બુક ઓફ્ વર્લ્ડ રેકોર્ડના પ્રમાણપત્રો એનાયત કરી સન્માનિત કરાયા હતા.