વડોદરા શહેરમાં શાંતિનો ભંગ કરતા અને રસ્તાઓ પર કર્કશ અવાજ સાથે બુલેટ દોડાવતા તત્વો સામે ટ્રાફિક પોલીસે કડક કાર્યવાહી હાથ ધરી છે. લાંબા સમયથી બુલેટમાં મોડીફાઇડ સાયલેન્સર લગાવીને ફટાકડા ફોડતા અને ધ્વનિ પ્રદૂષણ ફેલાવતા ચાલકો સામે પોલીસ દ્વારા વિશેષ ઝુંબેશ ચલાવવામાં આવી રહી છે. આ ઝુંબેશ હેઠળ પોલીસે જપ્ત કરેલા 50થી વધુ ગેરકાયદેસર સાયલેન્સરો પર બુલડોઝર ફેરવી તેને જાહેર માર્ગ પર નષ્ટ કરી દેવામાં આવ્યા હતા. પોલીસની આ આક્રમક કાર્યવાહીથી સ્ટંટબાજો અને દેખાડો કરતા બુલેટચાલકોમાં ફફડાટ વ્યાપી ગયો છે.
ધ્વનિ પ્રદૂષણ સામે જંગ
