પારડીના ઉમરસાડી ખાતે 11 કરોડના ખર્ચે નિર્મિત ભવ્ય નાની માછીવાડ સી સોર વૉક વે બ્રિજનું મંત્રી કનુભાઈ દેસાઈ તથા લોકસભા દંડક અને સાંસદ ધવલ પટેલ, જિલ્લા પ્રમુખ હેમંત કંસારા અને અન્ય મહાનુભાવોની ઉપસ્થિતિમાં લોકાર્પણ કરવામાં આવ્યું છે. ઉલ્લેખનીય છે કે, ઉમરસાડીમાં આ પ્રોજેક્ટમાં પ્રથમ તબક્કો પૂર્ણ થયો છે અને બીજા તબક્કા હેઠળ અન્ય સુવિધાઓ વિકસાવાશે
બ્રિજ પર્યટકો માટે આકર્ષણનું કેન્દ્ર બની ગયો
છેલ્લા એક મહિનાથી આ બ્રિજ પર્યટકો માટે આકર્ષણનું કેન્દ્ર બની ગયો છે. સોશિયલ મીડિયા પર તેની સુંદરતા અને વિશિષ્ટ ડિઝાઇનના વીડિયો ધૂમ મચાવી રહ્યા છે. આ બ્રિજ માત્ર પ્રવાસનને જ પ્રોત્સાહન આપતો નથી, પરંતુ સ્થાનિક વેપાર-ધંધા માટે પણ નવી તકો ઊભી કરી રહ્યો છે, જેના કારણે વિસ્તારના આર્થિક વિકાસને વધુ ગતિ મળશે.