વલસાડ શહેરના વ્યસ્ત ગણાતા કૈલાસ રોડ પર આજે એક ભયાનક ટ્રિપલ અકસ્માતની ઘટના સર્જાઈ છે. પલ્સર બાઈક સવારે સ્ટેરિંગ પરથી કાબુ ગુમાવતા બે બાઈક અને એક મોપેડ વચ્ચે જોરદાર ટક્કર થઈ હતી. આ અકસ્માતમાં મોપેડ ચાલક વૃદ્ધને ગંભીર ઇજાઓ પહોંચતા તેમને તાત્કાલિક સારવાર અર્થે ખસેડવામાં આવ્યા છે.
બે બાઈક અને એક મોપેડ વચ્ચે અકસ્માત
વલસાડના કૈલાસ રોડ પરથી પસાર થઈ રહેલા એક પલ્સર બાઈકના ચાલકે અચાનક સ્ટેરિંગ પરથી કાબુ ગુમાવ્યો હતો. બેફામ ઝડપે જઈ રહેલી આ બાઈકે સામેથી આવતી અન્ય એક બાઈક અને એક મોપેડને અડફેટે લીધી હતી. અકસ્માત એટલો જોરદાર હતો કે ત્રણેય વાહનોના ફુરચા ઉડી ગયા હતા અને વાહનચાલકો રસ્તા પર ફંગોળાયા હતા.