વંથલી શહેરમાં છેલ્લા કેટલાક સમયથી સતત વીજ ધાંધિયા અને અનિયમિત વીજ પુરવઠાથી પરેશાન બનેલા નાગરિકો, આગેવાનો તેમજ નગરપાલિકાના પ્રતિનિધિઓએ PGVCL કચેરી ખાતે પહોંચી ઉગ્ર વિરોધ નોંધાવ્યો હતો.
ચોમાસાની શરૂઆત પહેલાં જ રાત્રિના સમયે અવારનવાર જ પુરવઠો ખોરવાતા લોકોમાં ભારે રોષ ફેલાયો છે.આ મુદ્દે વંથલી નગરપાલિકાના પ્રમુખ રાકેશ ત્રાંબડિયા, પાલિકાના સદસ્યો અને સ્થાનિક આગેવાનો PGVCL કચેરીએ પહોંચ્યા હતા. તેમણે અધિકારીઓ સમક્ષ વારંવાર સર્જાતી વીજ સમસ્યાઓ અંગે કડક રજૂઆત કરી હતી. પ્રમુખે વીજ વિભાગના અધિકારીઓના વર્તન અને કામગીરી અંગે પણ અસંતોષ વ્યક્ત કરી જવાબદારી નિભાવવાની માંગ કરી હતી. વિરોધ દરમિયાન મોટી સંખ્યામાં મહિલાઓ પણ જોડાઈ હતી અને તેમણે GEB હાય હાયના નારા લગાવી પોતાના રોષની અભિવ્યક્તિ કરી હતી.
