વિસનગર નગરપાલિકાનું સ્વચ્છતા અભિયાન શરૂ કરવામાં આવ્યું છે,જેમાં વિસનગર અખાદ્ય પદાર્થો(પકોડીની લારીઓ તેમજ પકોડી બનાવનાર એકમો)ઉપર ચેકિંગ શરૂ કરવામાં આવ્યું છે.જેમાં બટાકાનો જથ્થો પકડીને નાશ કરવામાં આવ્યો છે.અને પકોડીવાળા એકમોને બે હજાર દંડ વસૂલ કરી હવે, ફરીવાર પકડાશે તો પકોડીની લારીઓ અને એકમો બંધ કરવામાં આવશે.વિસનગર નગરપાલિકાના સ્વચ્છતા વિભાગે વિસનગર શહેરમાં આવેલી કમાણા રોડ ઉપર સેવાદળ કાર્યાલય પાસે,શ્રીનાથનગર સોસાયટી,ઉમેદપુરી સોસાયટી,ગોમતીનગર સોસાયટીમાં અચાનક ચેકિંગ હાથધરી પકોડી બનાવતા એકમો ચેક કર્યા હતા.જેમાં 100 કિલો સડેલા બટાકા (અખાદ્ય વસ્તુઓ) પકડીને તેનો નાશ કરવામાં આવ્યો હતો.તેમજ હવે,ફરીવાર ચેકિંગ કરતા પકડાશે તો પકોડીના એકમો તેમજ લારીઓ જપ્ત કરવામાં આવશે.તેમજ પકોડી વાળા એકમો વાળા પાસે 2 હજાર દંડ (વહીવટી ચાર્જ) વસૂલ કરવામાં આવ્યો હતો.તેમજ આ ઝુંબેશ કાયમી ચાલુ રહેશે તેવું સંદીપ પટેલે જણાવ્યું છે.
Morbi : સિવિલ હોસ્પિટલમાં કલેક્ટર સ્વપ્નિલ ખરેના વહેલી સવારે આકસ્મિક ધામા, ફાયર સેફ્ટી અને ટોયલેટ જોઇ આપી કડક સૂચના
