ભારતીય રિઝર્વ બેંક (RBI) એ સહકારી બેંકો પર નિયમનકારી દેખરેખ વધુ કડક બનાવી છે. આ જ ક્રમમાં મહેસાણા અર્બન કો-ઓપરેટિવ બેંક પર ફરી એકવાર ₹2.5 લાખનો દંડ ફટકારવામાં આવ્યો છે. આરબીઆઈ દ્વારા આ પગલું બેંક દ્વારા તેના આદેશોનું અને બેન્કિંગ રેગ્યુલેશન એક્ટની જોગવાઈઓનું સતત પાલન ન કરવા બદલ લેવામાં આવ્યું છે, જે બેંકિંગ વ્યવસ્થામાં ગંભીર ચિંતાનો વિષય છે.
બેંક દ્વારા NPA નિયમોનું ઉલ્લંઘન
આ દંડનું મુખ્ય કારણ એ છે કે બેંકના અધિકારીઓએ નોન-પર્ફોર્મિંગ એસેટ્સ (NPA) ને લગતા રિઝર્વ બેંકના નિયમોનું યોગ્ય રીતે પાલન કર્યું ન હતું. તપાસમાં એવું બહાર આવ્યું હતું કે બેંકમાંથી લોન લેનારા કેટલાક ખાતાઓને નિયમો મુજબ NPA તરીકે જાહેર કરવા જોઈતા હતા, તેમ છતાં તેને બતાવવામાં આવ્યા ન હતા. આ પ્રકારે ખાતાઓના અકસ્માત (Asset Classification) વર્ગીકરણમાં ગરબડ કરવા બદલ રિઝર્વ બેંકે બેંકને નોટિસ આપી હતી. બેંક દ્વારા આપવામાં આવેલો નોટિસનો જવાબ રિઝર્વ બેંકને સંતોષજનક ન જણાતા બેંક સામે આખરે કડક નાણાકીય પગલાં લેવામાં આવ્યા છે.
