રાજ્યમાંથી ચોમાસું વિદાય લેવાની તૈયારીમાં છે, ત્યારે કચ્છના સામખિયાળી સહિતના કાંઠા વિસ્તારમાં વરસાદ વરસ્યો છે. સામખિયાળી ઉપરાંત ઘરાણા, લાલિયાણા અને લાકડીયા સહિતના વિસ્તારોમાં પણ વરસાદ નોંધાયો છે, જેના કારણે વાતાવરણમાં ઠંડક પ્રસરી છે.


સામખિયાળી સહિતના કાંઠા વિસ્તારમાં વરસાદ

હવામાન વિભાગના જણાવ્યા અનુસાર, હાલમાં વેસ્ટર્ન ડિસ્ટર્બન્સને કારણે વરસાદની શક્યતા રહેલી છે. જોકે, રાહતની વાત એ છે કે આગામી ૩ થી ૪ દિવસમાં ચોમાસું રાજ્યના અન્ય જિલ્લાઓમાંથી સંપૂર્ણપણે વિદાય લેશે.

રાજ્યમાં 7 દિવસ સુધી હળવા વરસાદની આગાહી 

રાજ્યમાં 7 દિવસ સુધી હળવા વરસાદની આગાહી કરવામાં આવી છે, પરંતુ આગામી 3 દિવસ બાદ વરસાદની તીવ્રતા ઘટશે. વરસાદની શક્યતાને પગલે તંત્ર દ્વારા દરિયાકાંઠાના વિસ્તારોમાં 'DC-1' સિગ્નલ લગાવવામાં આવ્યું છે, જે માછીમારો અને દરિયાકિનારાના લોકોને સાવચેત રહેવા સૂચવે છે.

  • Follow us on: