ડાંગ જિલ્લામાં વરસાદી માહોલ છે અને વહેલી સવારથી ઝરમર વરસાદ વરસી રહ્યો છે, માછળી ખાતર ગામમાં વરસાદી પાણીથી હાલાકી પડી રહી છે અને અનેક જગ્યાએ નાળા ઉપર પાણી ફરી વળ્યા છે, ડાંગ જિલ્લામાંથી પસાર થતી નદીઓમાં નવા નીરની આવક થઈ છે અને ચેકડેમો પણ છલકાઈ ગયા છે.
[[$googlead]]
ગ્રામજનો જીવના જોખમે રસ્તો ઓળંગવા મજબૂર
ડાંગમાં ભારે વરસાદના કારણે જન જીવન પર તેની અસર જોવા મળી છે, ગ્રામજનો જીવના જોખમે રસ્તો ઓળંગવા માટે મજબૂર બન્યા છે, ધસમસમતા પાણીની વચ્ચેથી એસટી બસ પસાર થઇ છે, તો અમુક ગ્રામજનો પણ રસ્તો ઓળંગવા માટે નદીના પ્રવાહની વચ્ચેથી પસાર થઈ રહ્યાં છે, તો ઉપરવાસમાં ભારે વરસાદ પડવાથી પાણીનો પ્રવાહ ડાંગના ગામો સુધી પહોંચ્યો છે.
વઘઇ તાલુકામાં ઘોડાપૂર જેવા દ્રશ્યો સર્જાયા
ડાગંના વઘઈ તાલુકામાં ઘોડાપૂર જેવા દ્રશ્યો સર્જાયા છે, ઝાવડા , ડુંગરડા, ભેંસકાતરી , માછળી ખાતર ગામમાં વરસાદી પાણીને લઈને હાલાકી પડી રહી છે, અનેક જગ્યાએ નાળા ઉપર પાણી ફરી વળતા વાહન વ્યવહારને તેની અસર જોવા મળી છે, જીવન જોખમે રસ્તો પસાર કરવા ગ્રામજનો મજબૂર બન્યા છે, માછળી ખાતરના રસ્તા ઉપરથી ધસમસતા પાણી વચ્ચે સરકારી બસ પસાર થયાનો વીડિયો સામે આવ્યો છે.
ડાંગનું સૌંદર્ય વધુ રમણીય બન્યું
ડાંગ જિલ્લામાં મેઘરાજા મહેરબાન થતા ગીરા ધોધ સાથે અનેક ધોધ સક્રિય થયા છે. પર્વતની ઉંચી ચોટી પરથી પડતા આ ધોધ ડાંગની સુંદરતામાં વધારો કરે છે. ડાંગમાં આહલાદ્રક દ્રશ્યો સર્જાતા પર્યટકોને કે સાદ પાડી નજારાનો આનંદ માણવા આમંત્રણ આપી રહ્યા છે. આ સપ્તાહમાં વરસાદ મન મૂકીને વરસરતા ડાંગનું સૌંદર્ય વધુ રમણીય બન્યું છે.
