સાબરકાંઠા વિજયનગર તાલુકામાં ધોધમાર વરસાદ વરસી રહ્યો છે, ત્યારે વિજયનગર તાલુકામાં 3 ઇંચ કરતા વધુ વરસાદ નોંધાયો છે, હરણાવ નદી બે કાંઠે વહેતા ગામમાં વરસાદી પાણી ઘૂસ્યા છે, વિજયનગરના છેવાડે આવેલ સરસવ ગામમાં પાણી ઘૂસતા લોકો ધાબા પર બેઠા છે, વિજયનગર-રાજસ્થાને જોડતો હાઈવે પાણીમાં ગરકાવ થયો છે, ઉપરવાસમાં ભારે વરસાદના કારણે હરણાવ નદી બેકાંઠે વહી રહી છે.
સાબરકાંઠામાં ભારે વરસાદથી ડેમ છલકાયા
સાબરકાંઠામાં ભારે વરસાદથી ડેમ છલકાયા છે, ખેડવા ડેમ તથા હરણાવ ડેમ રુલ લેવલે ભરાયા છે, ઉપરવાસમાં વરસાદને કારણે ડેમમાંથી પાણી છોડાયું છે, ખેડવા નદી કિનારા ગામોને એલર્ટ આપવામાં આવ્યું છે, બીજી તરફ બોરડી, પઢારા, બાસોલ, પરો, જગન્નાથપુરા, રોધરા, વાલરણ, વરતોલ ગામને એલર્ટ કરાયા છે અને ગ્રામજનોને નદી કિનારે ન જવા તથા સાવચેત રહેવા તંત્ર દ્વારા ચેતવણી અપાઈ છે.
ગુજરાતમાં છેલ્લા 24 કલાકમાં 225 તાલુકાઓમાં વરસાદ
ગુજરાતમાં છેલ્લા 24 કલાકમાં 225 તાલુકાઓમાં વરસાદ નોંધાયો છે, સૌથી વધુ છોટાઉદેપુરના સંખેડામાં 4.02 ઈંચ, સુરતના ઉમરપાડામાં 3.90 ઈંચ વરસાદ, ઈડરમાં 3.86 ઈંચ, વ્યારામાં 3.54 ઈંચ વરસાદ, ડભોઈમાં 3.15 ઈંચ, દાંતામાં 3.11 ઈંચ વરસાદ, રાધનપુરમાં 3.11 ઈંચ, ખેડબ્રહ્મામાં 3.07 ઈંચ, વાલોડમાં 3.03 ઈંચ, ભિલોડામાં 3.03 ઈંચ વરસાદ, સુરત સિટીમાં 2.80 ઈંચ, માળીયામાં 2.68 ઈંચ, ડેડીયાપાડામાં 2.56 ઈંચ, કુકરમુંડામાં 2.32 ઈંચ નોંધાયો છે.
રાજયમાં આજે સવારે 6થી 8 વાગ્યા સુધી 70 તાલુકામાં વરસાદ
રાજયમાં આજે સવારે 6થી 8 વાગ્યા સુધી 70 તાલુકામાં વરસાદ નોંધાયો છે, સૌથી વધુ બનાસકાંઠાના દાંતામાં 1.65 ઈંચ વરસાદ, સાબરકાંઠાના વડાલીમાં 1.38 ઈંચ વરસાદ, સુરતના માંડવીમાં 1.14 ઈંચ, વિજયનગરમાં 1.06 ઈંચ, 66 તાલુકાઓમાં 1 ઈંચ કરતા ઓછો વરસાદ નોંધાયો છે.
